Meksikada həftə ərzində 12 polis əməkdaşı öldürülüb
16-12-2019, 06:49
Son həftə ərzində Meksikada azı 12 polis əməkdaşı öldürülüb.
"Report" xarici mətbuata istinadən xəbər verir ki, son olaraq İrapuato şəhər polisinin əməkdaşı quldurların son qurbanı olub. O, mağazada güllələnib.
Ötən həftə ərzində Quanahuato ştatının Vilyaqran şəhərində də 7 polis əməkdaşı güllələnərək öldürülüb. O cümlədən İrapuato şəhərində 3, Leonedə və Selayedə asayiş keşikçiləri cinayətkarların hədəfinə çevriliblər.
Qeyd edilir ki, ilin başlanğıcından Meksikanın Quanahuato ştatı ərazisində 65-dən çox polis əməkdaşı öldürülüb.
Ştat bu il Meksikanın ən təhlükəli regionlarının siyahısına başçılıq edib.