Kaliforniya Universitetindən olan elmi işçilər Ayda çoxlu miqdarda suyun mövcudluğunun sübutunu tapdıqlarını söyləyiblər. Planetimizin təbii peykində olan bütün su buz şəklindədir.



TED.az xarici mətbuata istinadən xəbər verir ki, Merkuri və Aydakı buzları təhlil edən mütəxəssislər onların arasında oxşarlıqları və fərqləri müəyyən etməyə çalışıblar. Bundan əvvəl Arecibo rəsədxanaları, həmçinin, Amerikanın kosmik apparatı Merkuridə, Yerdən kölgəli görünən krater sahələri aşkar ediblər. Həmçinin, bəzi kosmik apparatlar tərəfindən Merkuri səthində buz və su qeydə alınıb. Bu yaxınlarda tədqiqatçılar Merkuri və Ayın kraterlərini müqayisə edərək, planetimizin təbii peykinin səthində də çoxlu buz olduğunu başa düşüblər.



Ekspertlərin versiyası təsdiqlənərsə, Ayda milyonlarla ton buz olduğu ortaya çıxır. Əvvəllər alimlər bu qədər çox miqdarı heç təsəvvür etmirdilər.