Koronavirus infeksiyasından sağalan xəstələrdə müəyyən əlamətlər qalır.

Cebhe.info xəbər verir ki, bu barədə “South China Morning Post" Honq-Konq tibb mütəxəssislərinə istinadən yazıb.

Mütəxəssislərin fikrincə, sağaldıqdan sonra ağciyərlərdə müəyyən fəsadlar qalır. Bu isə özünü daha çox sürətli yeriyən zaman göstərir.

“Princess Margaret Hospital"ın baş həkimi Ouen Çanq bildirib ki, sağalan hər 10 nəfərdən 2-3-ü xəstəlikdən əvvəl edə bildiklərini sağaldıqdan sonra edə bilmirlər. "Onlar təngnəfəs olur, tez yeriyən zaman əsasən bu problemlə üzləşirlər. Ağciyərlərin funksiyası 20-30 faiz azalır".

Çanq qeyd edib ki, bu şəxslər növbəti müşahidə və müalicə mərhələsindən də keçməlidir. Onlara fizioterapiya təyin olunacaq. Həkimin sözlərinə görə, hələlik koronavirusdan sonra ağciyərlərdə başqa xəstəliklər müşahidə olunmayıb.