Roman Babayan və Marqarita Simonyanın Ermənistanın baş naziri Nikol Paşinyana ünvanlanan suallarında sensasion məlumatlar üzə çıxıb.

KONKRET.az xəbər verir ki, rus mediasında cavabı hələ alınmayan suallarda heç kimin bilmədiyi məlumatlar öz əksini tapıb.

“Svoya Pravda” şousunun efirində aparıcı Ermənistanın baş nazirindən bir neçə vacib və aktual suala cavab tələb edib.

Məsələn, Roman Babayan sual verir ki, Rusiya Federasiyası praktik olaraq bu müharibənin ilk günündən başlayaraq sizə münaqiənin həlli istiqamətində müxtəlif və ən əlverişli modelləri təklif edib. Bəs nə üçün Nikol bu təkliflərə diqqətlə qulaq asdıqdan sonra imtina edib.

İkinci sual: Cənab Paşinyan, bu qarşıdurmanın ilk saniyələrindən, müharibənin ilk günlərindən etibarən sizə sözün əsl mənasında kömək təklif edildiyi doğrudurmu? Və yeri gəlmişkən bu kömək dərhal sizə verilib. Üstəlik, bu hərbi yardımın çox böyük olduğu ortaya çıxdı. Bəli, onlarla Rusiya hərbi nəqliyyat təyyarəsi Ermənistanın hərbi aerodromlarına endi. Buna nə deyirsiniz?

Belə çıxır ki, Rusiya Ermənistana istədiyi silah sistemlərini verib.

Proqrama dəvət olunan Marqarita Simonyan isə bu sualları verib:

– Cənab Paşinyan, bütün bu müddətdə Amerika Birləşmiş Ştatları ilə müxtəlif səviyyələrdə – hətta ən yüksək səviyyədə – dostlarınızla sonsuz məsləhətləşmələr aparmısınız. Siz nədən danışmısınız və bu, nə dərəcədə doğrudur?. Məhz bu səbəbdənmi Rusiyanın bütün təkliflərini qulaqardına vurmusunuz? Sizcə, bu danışıqlarda qeyri-müəyyənliyiniz və ikili yanaşmanız müharibənin bu cür yekunlaşmasına gətirib çıxarmadımı?