Moruq insan bədənində təhlükəli xəstəliklərin yaranmasının qarşısını alır.

Bu barədə “Report” RİA “Novosti”yə istinadən xəbər verir.

Qeyd olunub ki, bu giləmeyvəni müntəzəm yemək orta ömür müddətini də uzadır.

Diyetoloqlara görə, giləmeyvə ürək sağlamlığını dəstəkləyən və yağ yığılmasının qarşısını alan flavonoid, qverçetin və qall turşusu ilə zəngindir.

Bundan əlavə moruqda diabet və xərçəng riskini azaldan güclü antioksidan birləşmələri var. Qırmızı moruq qan şəkərini azaldır və insulinə müqavimət göstərir.

Həkimlər giləmeyvələri təzə yeməyi və ya meyvə salatlarına əlavə etməyi məsləhət görürlər.