Metronun bir ildən artıq fəaliyyət göstərməməsi ictimai nəqliyyatda olan problemləri daha da qabarıq formada biruzə verib.

Bu gün avtobusların tıxaclara görə pik saatlarda intervallarının pozulması cəmiyyət arasında narazılığa səbəb olur.

Axşam iş yerindən yorğun çıxan insanlar ictimai nəqliyyatda üzləşdikləri bu və digər səbəblər onları mənzil başına gedib çıxmalarını yubadır, əsəbləri isə tarıma çəkir.

Bundan əlavə metro sərnişinlərinin də ictimai nəqliyyata üz tutması, BNA-nın isə olan problemləri düzgün tənzimləyə bilməməsi insanların iztirablarını birə-beş artırır.

Problemləri saymaqla, insanların şikayəti isə dinləməklə bitmir ki, bitmir...

Bu problemin üstündən Bizim.Media şəhər sakinləri arasında qısa sorğu keçirib. İnsanların nəqliyyatla bağlı verdikləri cavablar isə müxtəlif və maraqlıdır...

Sözügedən videoçarxı sizə təqdim edirik: