Alimlərin apardığı araşdırmalara görə, artıq çəki demensiya (ağılın zəifləməsi) riskini azaldır.

Publika.az xarici KİV-ə istinadla xəbər verir ki, demensiya əvvəllər qazanılmış bilik və vərdişlərin, həyat keyfiyyətlərinin bu və ya digər dərəcədə itirilməsi, yenilərinin isə əldə edilməsinin mümkünsüzlüyü ilə xarakterizə olunan patoloji sindromdur.

Tədqiqatçılar müasir xəstəliklə bağlı sağlamlıq məsləhətlərinə zidd nəticələrin onları heyrətə saldığını etiraf edirlər. 2 milyona yaxın britaniyalı üzərində aparılan araşdırmalar arıq insanlarda bu riskin daha yüksək olduğunu göstərib.

Demensiya müasir dövrün ən aktual sağlamlıq məsələlərindən biridir. 2050-ci ilə qədər bu xəstəlikdən əziyyət çəkən insanların sayının 135 milyona çatacağı proqnozlaşdırılır.

Heç bir müalicə üsulu olmayan bu xəstəlik riskinin azaldılmasının yeganə yolu sağlam həyat tərzidir.