Dünyada ən sədaqətli heyvan kimi tanınan albatros quşları arasında “boşanma”ların sayı artıb.

Yenicag.az xəbər verir ki, bu barədə “Royal Society”nin araşdırmasında qeyd edilib.

Bildirilib ki, əgər əvvəllər nəsil artırma problemlərinə görə quşların 3 və ya 1/100-i bir-birilərini tərk edirdisə, indi bu problem olmasa belə, ayrılıqların sayı artıb.

15 il ərzində 15 min 500 albatros cütlüyününü izlənməsilə aparılan araşdırma nəticəsində bəlli olub ki, quşların ayrılmalarının səbəbi qlobal istiləşmə fonunda okean populyasiyasının dəyişməsi və yemək axtarışı ilə bağlı uzaqlara uçan quşun cütləşmə zamanı geri dönə bilməməsi, buna görə də dişi quşun başqası ilə cütləşməsidir.

Tədqiqat nəticəsində o da bəlli olub ki, albatrosların cütləşmə adətləri də müəyyən dəyişikliyə uğrayıb.

www.yenicag.az