“Kadırovçular” adlanan Rusiya ordusunun çeçen hərbçiləri Ukrayna müharibəsində yüzlərlə döyüşçünü itirdikdən sonra Çeçenistana göndərilib.

“Azadlıq” radiosu bu barədə Ukrayna Təhlükəsizlik Xidmətinin əks-kəşfiyyatına istinadən xəbər verir.

Ukraynada olduqları müddətdə Rusiya ordusunun çeçen hərbçiləri (Çeçenistan Respublikasının başçısı Ramzan Kadırovun adı ilə “Kadırovtsı” kimi də tanınır) yüzlərlə döyüşçünü itirərək paytaxt Qroznıya qayıdıblar.

Əks-kəşfiyyat Ukraynada "kadırovçular"ın itkiləri barədə məlumat verib, Kiyev yaxınlığında peyda olan Rusiya Qvardiyasının çeçen bölmələrinin komandirlərinin adlarını çəkib.

Rusiyanın hökumətyönlü teleqram kanalları martın 13-də Rusiyanın Çeçenistan Respublikasının prezidenti Ramzan Kadırovun iştirak etdiyi zirzəmidə keçirilən hərbi toplantıdan video yayımlayıb.

İddia olunurdu ki, səs yazısı Ukrayna ərazisində - Kiyevdən bir neçə kilometr aralıda aparılıb.

Kadırovun tənqidçiləri bu məlumatı müharibə zamanı növbəti piar adlandırıblar. Ukrayna əks-kəşfiyyatı isə Kadırovun Ukraynada olmadığını, martın 13-ü məhz “kadırovçular” qrupunun Kiyev vilayətindən Belarusa, daha sonra isə Çeçenistana çıxarıldığını bəyan edib.

Xatırladaq ki, müharibə zamanı Rusiyanın Çeçenistan Qvardiyasının 141-ci motoatıcı alayının komandiri general Maqomed Tuşayev həlak olub. Məlumata görə, bunu həmin bölmənin əsir götürülən üzvü də təsdiqləyib.

Bundan başqa, fevralın 26-da eniş cəhdi zamanı 450 kadırovçu Qostomel hava limanı ərazisində Ukrayna torpaqlarına girməyə cəhd göstərib. Onlar Ukrayna ordusu tərəfindən birbaşa uçuş zolağında atəşə tutulublar. Fevralın 28-də isə onlar sayı bir neçə yüz döyüşçü təşkil edib”, – Ukrayna əks-kəşfiyyatı məlumat yayıb.//demokrat.az