“Google” və “Microsoft” texnologiya şirkətləri İordaniya, İslandiya, Şimali Koreya və Qana kimi ölkələrdən daha çox elektrik enerjisi istehlak edirlər.

İndex.az xəbər verir ki, “Companies Market Cap” məlumatlarına görə, “Google”, “Apple” və “Microsoft” kimi şirkətlər də daxil olmaqla, 10 ən dəyərli texnologiya şirkətinin bazar dəyərinin böyüklüyü 2023-cü ildə 17,6 trilyon dollar həcmində olan Çin iqtisadiyyatını geridə qoyub.

Texnologiya şirkətlərinin sahibləri sərvətləri ilə ən zəngin siyahılara başçılıq etməyə davam edirlər.

“Bloomberg Billionaires Index”ə görə, 227 milyard dollarlıq sərvətlə siyahıda birinci yerdə amerikalı iş adamı İlon Mask qərarlaşıb.

Siyahıda ilk 10-luqda olan digər iş adamlarından 8-i texnologiya bizneslərinin sahibiləridir.