"2024 YR4" asteroidi 27 dekabr 2024-cü ildə Çilidəki ATLAS rəsədxanasında kəşf edilib.
ABŞ-ın NASA kosmik agentliyi 2024-cü ilin dekabrında kəşf edilən "2024 YR4" asteroidinin hazırda planetimizlə toqquşma ehtimalı 1%-dən çox olan yeganə asteroid olduğunu açıqlayıb.
Bu barədə "RİA Novosti" agentliyi məlumat verib.
Bu yaxınlarda Rusiyanın Ka-Dar rəsədxanasının və "Astrovertı" Rusiyanın elmi rəhbəri, astronom Stas Korotki "RİA Novosti"yə bildirib ki, "2024 YR4" asteroidi 2032-ci ildə planetimizlə toqquşa bilər. Bu hadisənin baş vermə ehtimalı hazırda 0.5%-dən 6%-ə qədər qiymətləndirilir.
"NASA-nın təhlili göstərir ki, asteroidin 2032-ci il dekabrın 22-də Yerlə toqquşma ehtimalı 1%-dən çoxdur", - agentliyin rəsmi saytında deyilir.
Alimin məlumatına görə, asteroidin diametri 90 metrə qədər çata bilər. Qeyd edilir ki, hazırda "2024 YR4"dən başqa heç bir asteroidin Yerlə toqquşma ehtimalı 1%-dən yüksək deyil.
"2024 YR4" asteroidi 27 dekabr 2024-cü ildə Çilidəki ATLAS rəsədxanasında kəşf edilib. Onun diametrinin ilkin olaraq 70 metr olduğu təxmin edilir ki, bu da Çelyabinsk meteoritindən 3-4 dəfə böyükdür. 2013-cü il fevralın 15-də Urala düşən Çelyabinsk meteoritinin ölçüsü təxminən 19,8 metr diametrində olub. Baş verən hadisə nəticəsində insan tələfatı olmasa da, 1600-dən çox insan xəsarət alıb və onlardan 52-si xəstəxanaya yerləşdirilib.