Hər seçki dönəmində olduğu kimi, Azərbaycanda aprel ayının 11-də keçiriləcək prezident seçkiləri ərəfəsində də, xüsusən rayonlarda guya yenidənqurma, təmir işləri aparılır.

Yenicag.az xəbər verir ki, Bərdədə rayon icra hakimiyyəti yolları təmir edib. Ancaq bu, təmirdən daha çox yolların “qrimlənməsi”dir.

Bərbad yollardakı çalalara bel ilə qır tökülür, üstündən isə bərkitmə işləri aparılır.

Rayon sakinlərinin sözlərinə görə, bu “təmir” bir neçə saatlıq olur. Maşınlar həmin “təmir” edilən yerdən keçərkən, çalalara doldurulmuş qırı özü ilə aparır.