ABŞ Milli Qvardiya hərbçilərinin Vaşinqtona yeridilməsindən sonra təxminən iki həftə ərzində mindən çox şəxs saxlanılıb və 100-dən çox odlu silah müsadirə edilib.

Bu barədə ABŞ-nin baş prokuroru Pem Bondi "X" sosial şəbəkə hesabında məlumat verib.

"1007 nəfər saxlanılıb, 111 ədəd odlu silah müsadirə edilib", - deyə o bildirib.

Baş prokuror qeyd edib ki, ABŞ-də terror təşkilatı kimi tanınan "Tren de Araqua" transmilli bandasının üzvü də saxlanılıb.

Xatırladaq ki, avqustun 12-də Pentaqon paytaxtda cinayətkarlıqla mübarizə aparmaq üçün ABŞ Milli Qvardiyasının 800-ə yaxın əsgərini Vaşinqtona səfərbər edib.