Hindistanın Vaşinqtondakı səfirliyi ölkədən ixracata 50 faizlik tarif qüvvəyə minmədən qısa müddət əvvəl ABŞ Prezidenti Donald Tramp Administrasiyası ilə sıx əlaqələri olan və xarici şirkətləri müdafiə edən təcrübəyə malik lobbi şirkətini cəlb edib.

Bu barədə "Bloomberg" agentliyi xəbər verir.

Sənəd ABŞ Ədliyyə Nazirliyinin rəsmi saytında dərc olunub.

Bildirilib ki, səfirlik "Mercury Public Affairs LLC" şirkətinə hökumət və media ilə əlaqələri təmin etdiyi üçün ayda 75 min dollar ödəyir. Şirkətin keçmiş həmsədri Ağ Evin aparat rəhbəri Syuzan Uaylsdır.

Xatırladaq ki, Tramp avqustun əvvəlində Hindistana əlavə 25 faiz rüsum tətbiq edilməsi barədə sərəncam imzalayıb və bununla da ABŞ-yə ixrac edilən Hindistan mallarına qarşı ümumi tarif 50 faizə çatacaq.

Donald Tramp
Hindistan