Balakən rayonu Xalatala kənd tam orta məktəbində narkomaniyanın zərərləri mövzusunda maaifləndirici tədbir keçirilib. Tədbirdə polis əməkdaşları, məktəbin şagirdləri və müəllimlər iştirak ediblər.
Məktəblilərlə görüşdə çıxış edən RPŞ-nin rəis müavini, polis polkovnik-leytenantı Elxan Zamanov narkotikin fəsadları, insan sağlamlığına və mənəviyyatına vurduğu zərbə, ondan qorunma yolları barədə ətraflı məlumat verib.Ölkəmizdə narkotik vasitələrin qanunsuz dövriyyəsinə qarşı hüquq-mühafizə orqanları tərəfindən qətiyyətli mübarizə tədbirlərinin həyata keçirildiyini vurğulayıb.
Sonda şagirdləri maraqlandıran sualları cavablandıran polis əməkdaşları onları gələcək həyatlarında zərərli vərdişlərdən uzaq olmağa çağırıblar.