Avrasiya İttifaqı ölkələrindən yalnız Rusiya aprelin-24-də Ermənistandakı “soyqırım” tədbirində ən yüksək səviyyədə təmsil olunacaq.

Axar.az xəbər verir ki, bu barədə informasiyanı Ermənistanın “Joxovurd” qəzeti yayıb.

Qəzetin məlumatına görə, Qazaxıstandan Ermənistana adi, kiçik bir nümayəndə heyətinin belə gəlməməsinə səbəb aprelin 24-də keçiriləcək seçkilərdir. Belorus prezidenti isə məhz bu tarixdə Gürcüstana səfərini gerçəkləşdirəcək.

Qeyd edək ki, bir müddət öncə mətbuatda hər iki dövlət başçısının Ermənistana getmə ehtimalının olmadığı haqqında informasiya yayılmışdı.