Uzun müddət istifadəçilər arasında populyar olan smartfonlar mobil bazardakı mövqeyini tezliklə tərk etməyə hazırlaşmır. “Qualcomm” şirkətinin prezidenti Kristiano Amon isə başqa fikirdədir. O deyib ki, 2 il sonra artıq digər qabaqcıl qurğular təqdim ediləcək.

Teref.az “ICTnews”a istinadən xəbər verir ki, çip istehsalçısının sözlərinə görə, görünüşü ilə adi eynəklərdən seçilməyən “ağıllı” eynəklərin geniş istifadəsinə 2 il qalır. Perspektivdə “sosial təcrübəni dəyişdirəcək gələcəyin qurğuları” insanların identifikasiyası, bulud xidmətlərinə qoşulmaqda və sosial şəbəkələrdə axtarış üçün istifadə etmək mümkün olacaq. Belə qurğular, həmçinin video konfranslarda iştirak üçün də əlverişlidir: zəng edən şəxsin avatarı istifadəçinin gözü qarşısında nümayiş etdiriləcək.

"Onlar smartfonları əvəz etməyəcək, amma sizin tamamilə başqa qurğunuz olacaq. Eynəyin təkamülü haqqında düşünün" – “Qualcomm” şirkətinin prezidenti jurnalistlərə açıqlamasında deyib.