Qlobal təhdid səviyyəsinə çatan yeni tip koronavirus pandemiyası iyun ayında bitəcək.
Publika.az “Röyters”ə istinadən xəbər verir ki, bunu Çin Milli Səhiyyə Komitəsinin rəhbəri Zonq Naşan açıqlayıb.

Koronavirusa qarşı mübarizənin mərkəzi olan komitənin sədri bildirib ki, Çindəki yoluxma faktlarının çoxu asimptomatikdir (normadan az simptomları olan və heç simptomu olmayan). Sağalan xəstələrin yenidən virusa yoluxma faktı isə get-gedə azalır.
Qeyd edək ki, 83 yaşlı Zonq Naşan 2002-ci ildə ortaya çıxan SARS epidemiyasını aşkar edən ilk elm adamıdır. Komitə rəhbəri 2005-2009-cu illərdə Çin Tibb Assosiasiyasının prezidenti olub.