Donald Trampdan sonra ABŞ-ın 46-cı prezidenti seçilən Co Bayden, Trampdan fərqli olaraq bəzi qaydalarda yumuşaltma siyasəti yürüdür.

Bizim.Media xəbər verir ki, bu barədə “Ağ Ev”-in rəsmi "twitter" səhifəsində paylaşım edilib.

“Bayden vaxt itirmədən, immiqrasiya sistemini gücləndirmək və yenidən qurmaq üçün çalışır”-deyə, qeyd edilən paylaşımda immiqrantlar və ölkəyə gəlmək istəyənlər üçün viza qaydalarının asanlaşdırılacağı diqqətə çatdırılır.

Co Bayden həmçinin bu sahədə müsəlmanlara qarşı tətbiq olunan qadağaları ortadan qaldıraraq, onların vətəndaşlıq aktını göndərmək üçün konqresə icazə verib.

Həmçinin uşaqlı ailələrin icazə məsələlərinə baxılaraq, immiqrantların bu mövzudakı çətinliklərinin həlli yolunda addımlar atılıb.

Qeyd edək ki, koronavirusun ölkədəki iş qüvvəsinə vurduğu zərəri də nəzərə alsaq viza almağın asanlaşması əsas məsələ olaraq qalır.