Böyük Britaniya səhiyyədən qida istehsalına qədər olan sahələri təhdid edən karbon qazı çatışmazlığı ilə üzləşir və problem digər Avropa ölkələrinə də yayılır.

Trend İnterfaks-a istinadən xəbər verir ki, bu barədə dünyanın ən böyük sənaye qazı tədarükçülərindən olan "Nippon Gases" xəbərdarlıq edir.

Ötən il "Nippon Gases" Avropada təxminən 1,5 milyard dollar dəyərində sənaye qazı satıb, cari il isə tədarüklər 50 faiz azalıb.

Digər ölkələrin sənaye nümayəndəliri təmsilində "American CF Industries Holdings" qazın qiymətinin artması səbəbiylə İngiltərədəki iki fabrikdə fəaliyyətini dayandırıb və İngiltərə səlahiyyətliləri fəaliyyətini davam etdirə bilməsi üçün şirkətə maliyyə yardımı etmək məcburiyyətində qalıblar. İngiltərə hökuməti "CF"ni yalnız bir neçə həftə dəstəkləyə biləcəyini və bunun ölkəyə "bəlkə də on milyon funta" başa gələcəyini bildirib.