Paris məhkəməsi Fransanın keçmiş Prezidenti Nikola Sarkozini bir il müddətinə azadlıqdan məhrum edib.

"Reuters"-in bu gün, sentyabrın 30-da verdiyi məlumata görə, sabiq Prezident 2012-ci ildə seçki qabağı təşviqat prosesinin qanunsuz maliyyələşməsində ittiham edilir.

Siyasətçiyə həbs cəzasını həbsxanadan kənarda keçirməyə imkan verilib. O, elektron qolbağının nəzarəti ilə ev həbsində olacaq.

İstintaqın versiyasına görə, eks-prezident seçki kampaniyasına 43 milyon avro xərcləyib. O, təşviqata çəkilməli olan xərclərin həcmindən xəbərdar olub, amma onu demək olar ki, iki qat artırıb.

Nikola Sarkozi qərardan apellyasiya məhkəməsinə müraciət edəcəyini bəyan edib.