Rusiyada Korrupsiya ilə Mübarizə Fondunun rəhbəri Aleksey Navalnı ötən ilin noyabrın 5-də ABŞ-da dünyasını dəyişən küçmiş nazir Mixail Lesin barədə maraqlı məlumat yayıb. Belə ki, ortalığa çıxan sənədlər Lesinin ölümündə 40 gün sonra ABŞ sərhəddini keçdiyini göstərir.

Navalnı ABŞ gömrük xidmətinin açıq məlumatlarına istinad edir. Sənədə əsasən, Mixail Lesin 2015-ci ilin dekabrın 15-də Los Ancelesdən uçub.

Navalnı gömrük xidmətinin məlumat bazasında səhvin ola biləcəyini istisna edir.

“Kommersant” nəşrinin əməkdaşı Sergey Qoryaşko isə Lesinin messencer akkauntunun bu ilin fevralın 25-ə qədər aktiv olduğunu yazıb və bunu təsdiq edən şəkil də paylaşıb.

Mixail Lesin 20015-ci ilin noyabrın 5-də Los Ancelesdə dünyasını dəyişib və orda da dəfn edilib. Dəfndən heç bir şəkil olmayıb.