“İqtisadi Əməkdaşlıq Təşkilatını hələ 1985-ci ildə İran, Türkiyə və Pakistan yaradıb”. Ordu.az xəbər verir ki, bunu erməni iranşünas Emma Beqicanyan deyib.


Onun sözlərinə görə, Xəzər dənizində aralarındakı fikir ayrılıqlarını həll edən Türkmənistan və Azərbaycan münasibətlərini normallaşdırıb.

“Türkmənistan qazını Azərbaycana çatdırmaqla bağlı danışıq əvvəl də olub. Burada qeyd etmək lazımdır ki, Türkmənistan İrandan yan keçərək Xəzər dənizindən qaz və nefti Azərbaycana, oradan da Türkiyə üzərindən Avropaya çatdırmağa daha çox meyllidir”, - deyə Beqicanyan qeyd edib.

Erməni iranşünas Azərbaycanla İran arasındakı gərginliyin aradan qaldırılmasına toxunaraq bildirib ki, uzun gərginlikdən sonra indi bal ayı dövrüdür.

Alpər Mövludoğlu