Avropa İttifaqı fevralın 7-də Vaşinqtonda keçiriləcək enerji sammitində müxtəlif tərəfdaşlarla enerji təchizatının şaxələndirilməsini müzakirə edəcək.

Bizim.Media RİA Novosti agentliyinə istinadən xəbər verir ki, bunu “Handelsblatt” qəzetinə müsahibəsində Avropa Komissiyasının (AK) rəhbəri Ursula fon der Lyayen deyib.

“Ümumiyyətlə, biz uzun müddətdir möhkəm münasibətdə olduğumuz təchizatçı ölkə Norveç də daxil olmaqla, hər kəslə danışırıq. Həmçinin Qətər, Azərbaycan və Misirlə. Təbii ki, bu işdə ABŞ da böyük rol oynayır. Fevralın 7-də Vaşinqtonda enerji sammiti keçirəcəyik”, - deyə siyasətçi bildirib.

AK rəhbərinin sözlərinə görə, enerji sahəsində strateji əməkdaşlıq ABŞ prezidenti Co Baydenlə başlayıb:

“Söhbət ilk növbədə mayeləşdirilmiş təbii qazdan gedir”.