ABŞ dünyanın narahatçılıq, müharibə və münaqişə yaranan bütün regionlarında vəziyyətlərə cavabdehdir.

Virtualaz.org xarici KİV-ə istinadən bildirir ki, bunu amerikalı prezident Barak Obama bəyan edib.

“Düşünürəm ki, ABŞ yeganə fövqəl dövlət kimi dünyanın narahatçılıq, müharibə və münaqişə yaranan bütün regionlarında vəziyyətlərə cavabdehdir və müsbət qüvvə kimi fəaliyyət göstərməlidir”, - o deyib.

Bununla yanaşı, prezident vurğulayıb ki, bu, böhranın baş verdiyi hər yerə qoşun yeritmək lazım olduğu kimi başa düşülməməlidir.