Yaponiya ilk dəfə Hindistanla birgə hərbi təlimlər keçirəcək
Yaponiya gələn ilin yanvarında Tokio yaxınlığında Hindistanla ilk birgə hərbi hava qüvvələri təlimini keçirəcək.

Bu yolla Çinin Hind-Sakit okean regionunda artan iddiaları fonunda ölkələr təhlükəsizlik əlaqələrini gücləndirirlər.

Birgə hava döyüş hazırlığı planı ilk dəfə iki ölkənin xarici işlər və müdafiə nazirləri tərəfindən 2019-cu ilin noyabrında Yeni Dehlidə ilk təhlükəsizlik danışıqları zamanı razılaşdırılıb.

Yaponiya Hərbi Hava Qüvvələrindən dörd F-2 qırıcısı və dörd F-15 təyyarəsi iştirak edəcək. Hindistan Hərbi Hava Qüvvələrinin dörd Su-30MKI qırıcısı və iki C-17 nəqliyyat təyyarəsinin də Yaponiyaya gələcəyi gözlənilir.

Mənbə: rbc.ua