“Azərbaycanın xarici siyasətində müstəqillik və suverenlik prinsipi əsas yer tutur. Bakı bütün tərəfdaşlarla birbaşa əməkdaşlığa üstünlük verir, razılaşmalara sadiq qalır və regional sabitliyin qorunmasında mühüm rol oynayır”.

Tribunainfo.az xəbər verir ki, bu fikilər iranlı ekspert Məcid Ruhiyə məxsusdur.

O qeyd edib ki, Azərbaycanın həm Şimal-Cənub, həm də Şərq-Qərb nəqliyyat dəhlizlərindəki mövqeyi Rusiyanın iqtisadi və geosiyasi maraqları üçün əvəzsiz sayılır. “Rusiya ilə Azərbaycan arasında yaranan müvəqqəti gərginliklər münasibətlərin strateji xarakterinə kölgə sala bilmir”.

Ruhi vurğulayıb ki, Rusiyanın Zəngəzur dəhlizinə dəstəyinin əsas səbəbi Azərbaycanın bölgədə etibarlı və sabit tərəfdaş olmasıdır. “Azərbaycan isə öz növbəsində Moskva ilə münasibətləri qorumaqla, həm daxili sabitliyini gücləndirir, həm də beynəlxalq arenada əlverişli mövqelər əldə edir”.