2 Çin sahil mühafizə gəmisi Yaponiyanın milli ərazi sularını pozub.

"Unikal" xarici KİV-ə istinadən xəbər verir ki, Çin gəmiləri Şərqi Çin dənizindəki mübahisəli Senkaku adaları ətrafında 3 gün qalıb.

Bildirilib ki, dekabrın 22-də səhər saat 09.30-da milli ərazi sularının əhatə etdiyi əraziyə daxil olan gəmilər Tayşo adaları yaxınlığında Yaponiyanın balıqçı gəmilərinə yaxınlaşıb.

Gəmilər dekabrın 25-i günorta saatlarına qədər ərazi ətrafında üzüb. Çin gəmilərinin pozuntu müddəti 72 saat 45 dəqiqə olaraq qeydə alınıb.

Bu dövr Yaponiya hökumətinin 2012-ci ildə Senkaku adalarını satın almasından sonra Çinin ən uzunmüddətli pozuntusunu qeyd edib.