Yeni maliyyə ilində Yaponiya hökuməti bomba sığınacaqlarının tikintisi ilə bağlı qanun layihəsini qəbul edə bilər.

Bunu ölkənin hakim Liberal Demokrat Partiyasından olan deputatı Keiji Furuya deyib.

“Yaponiya 77 ildir ki, müharibədə iştirak etmir, lakin o vaxtdan bəri təbii qəbul etdiyimiz şey artıq doğru deyil. Dünya çox dəyişib”, - deyə o bildirib.

Tokionun belə bir qərar verməsində Tayvan ətrafında gərginliyin artmasının və Şimali Koreyanın raket buraxılışlarının təsiri istisna edilmir.
Yaponiyanın böyük şəhərlərində gizlənmə yeri kimi istifadə edilə biləcək geniş metro şəbəkəsi var, lakin ölkədəki əksər evlərin zirzəmiləri yoxdur. Bu, Çin və ya Şimali Koreyanın raket hücumu halında böyük mərkəzlərdən uzaqda yaşayan insanları risk altında qoya bilər.

Mənbə: Bloomberg