İsveçrə bankları ruslara hesablarının tezliklə bağlanacağı ilə bağlı xəbərdarlıq edib

Publika.az “Lenta.ru”ya istinadən xəbər verir ki, İsveçrə bankları hələ də öz vətənlərində vergi ödəyən rusların hesablarını bağlamaqla hədələyib və Rusiyadan gələn müştərilərin köçürmələrini izləməyə başlayıblar. Bununla bağlı onlarla insan müvafiq xəbərdarlıq alıb.

LEOLEX İsveçrə Hüquq Bürosunun İdarəedici Partnyoru Roman Kudinov vurğulayıb ki, maliyyə institutlarının hərəkətləri hələ də seçici xarakter daşıyır. Onun sözlərinə görə, bank işçiləri son bir ay ərzində qeyri-rəsmi olaraq müştərilərə zəng edərək, Rusiyada vergi ödəməyi dayandırmağı təklif ediblər.

Kudinov hesab edir ki, bu cür hərəkətlərə səbəb İsveçrə hakimiyyətinin, parlamentin və İsveçrənin İqtisadi Məsələlər üzrə Dövlət Katibliyinin (SECO) Rusiyaya qarşı sanksiyaların həyata keçirilməsinə nəzarəti gücləndirməyi tələb edən təzyiqləri olub.

Bundan əvvəl G7 ölkələri İsveçrədən sanksiya siyasəti çərçivəsində rusların aktivlərini aktiv şəkildə dondurmağı xahiş etmişdilər.

Ümumilikdə, yerli bank assosiasiyasının qiymətləndirməsinə görə, İsveçrədə 150-200 milyard İsveçrə frankı dəyərində aktivlər var, bunlar hansısa yolla ruslarla bağlıdır. Onların heç də hamısı sanksiyalara məruz qalmayıb.

Təxminən bir ay əvvəl ABŞ-ın Berndəki səfiri Skott Miller demişdi ki, İsveçrə Rusiyanın daha çox aktivlərini bloklaya bilər.

Mehti Kamiloğlu