Ukraynanın “Ukroboronprom” şirkəti min km uçuş məsafəsi olan yerli pilotsuz uçuş aparatının sınağını uğurla həyata keçirib.

Tribunainfo.az xəbər verir ki, bu barədə qurumun mətbuat katibi Nataliya Sad bildirib.“Bizim pilotsuz uçuş apatarımız 1000 km uğurla istifadə etdikdən sonra”, – deyə o, “Facebook”da Silahlı Qüvvələrin Ali Baş Komandanı Valeri Zalujnı, Ukrayna Silahlı Qüvvələrinin Hərbi Hava Qüvvələrinin komandanı Nikolay Oleşçuk və şirkətin direktoru Yuri Qusevin şəklini də əlavə edərək yazıb.

“Ukrayna Pravda” nəşrinin mənbələrinə görə, söhbət 2023-cü il mayın 3-də həyata keçirilən döyüş PUA-sının sınağından gedir.

Ukraynanın UNIAN agentliyinin məlumatına görə, pilotsuz aparat 75 kq-a qədər çəkisi olan döyüş başlığını daşıya biləcək və 1000 km-ə qədər uçuş məsafəsinə malik olacaq. 2022-ci ilin avqustunda məlum oldu ki, “Ukroboronprom” Ukrayna Silahlı Qüvvələrinin Baş Qərargahı ilə birlikdə hərbi pilotsuz sistemlərin inkişafı proqramı hazırlayıb.