Türkiyə ilə Rusiya arasında münasibətlərin normallaşması müstəvisində Moskva polisi terror təşkilatı PKK-nın ən böyük silah təminatçılarından sayılan, “Şakro” ləqəbli Zaxar Kalaşovu həbs edib.

Hafta.az “Yenisafak”dan yararlanaraq yazır ki, “Şakro”nun son 8 ayda üç dəfə PKK rəhbərliyi ilə Bağdadda bir araya gəldiyi deyilir. Hər dəfə də rus mafioz PKK-ya böyük miqdarda silah-sursat təhvil verib.

“Şakro” həbs edilərkən ona qarşı iki il əvvəl törətdiyi cinayət əsas gətirilib. O, avqustun 21-dək sorğulanacaq və bundan sonra məhkəməyə göndəriləcək. “Şakiro”nun vəkilləri də qaydalara uyğun olaraq onun siyasi müstəvidə yox, sırf bir cinayətə görə tutulduğunu bildirib.

Gürcüstandan olan, yezidi kürd əsilli “Şakro” 1993-cü ildən bu yana, əvvəllər özü kimi Rusiyanın ən iri mafiyalarınlan birinə başçılıq etmiş, amma iki qrup arasında çıxan qalmaqal nəticəsində qətlə yetirilmiş Ded Hasan ləqəbli Aslan Usoyanla birlikdə PKK-nın ən böyük silah təmknatçıları olublar.

“Şakro” 2006-cı ildə İspaniyada çirkli pul Yuma kimi ettihamlarla 7 il müddətinə həbs edilib, amma cəzasını çəkmək üçün Rusiyaya təhvil verilmişdi.