Şimali Koreya yeni tip bərk yanacaq mühərrikləri hazırlayıb.

Bu barədə Koreya Mərkəzi Xəbər Agentliyi (KCNA) məlumat yayıb.

Bildirilir ki, reaktiv mühərrik strateji əhəmiyyətli orta mənzilli ballistik raket üçün nəzərdə tutulub.

Məlumata görə birinci pillənin mühərrik noyabrın 11-də, ikinci pillədəki mühərrik isə noyabrın 14-də sınaqdan keçirilib. Hər iki sınağın çox qənaətbəxş nəticə verdiyi vurğulanıb.
O da qeyd edilib ki, sınaqlar yeni ortamənzilli ballistik raketin hazırlanmasını sürətləndirməyə zəmin yaradıb.