Ermənistanın 2022-ci il siyahıyaalınmasına əsasən, ölkənin daimi əhalisi 2 milyon 932 min 731 nəfərdir. Bunlardan 1 milyon 548 min 250-i qadın, 1 milyon 384 min 481-i kişidir.

Caliber.Az xəbər verir ki, Ermənistanın Dövlət Statistika Komitəsinin məlumatına görə, eyni dövrdə faktiki əhalinin sayı 2 milyon 869 min 438 nəfər təşkil edib.

Belə ki, əvvəlki siyahıyaalınma (2011) ilə müqayisədə həm faktiki, həm də daimi əhalinin göstəriciləri azalıb. Xüsusilə, 2011-ci ilin siyahıyaalınması ilə müqayisədə Ermənistan Respublikasında daimi əhalinin sayı təxminən 86 min 123 nəfər azalıb. 2011-ci ildə Ermənistanın daimi əhalisi 3 018 854 nəfər, 2001-ci ildə isə 3 213 011 nəfər olub.
2022-ci ildə İrəvanın əhalisi 1 milyon 86,7 min nəfər təşkil edib.