İran Rusiyadan casusluq üçün istifadə oluna bilən hava şarları alır.

Bu barədə “Azad İran” “Telegram” kanalı məlumat verib.

Bununla bağlı Rusiyanın müxalif “Meduza” nəşrində yazı dərc olunub. Nəşr “Prana Network” hakerlərinin İran Müdafiə Nazirliyi və SEPAH ilə əlaqəli olan “Sahara Thunder” şirkətinin poçt serverlərinə kibermüdaxiləsi zamanı aşkar edilmiş məlumatlara istinad edib.

“Sahara Thunder”in yazışmalarında məqalə müəllifləri 17 məktub tapıblar (yazışmalar 2020-ci ilin noyabrında başlayıb). Yazışmalarda Dolqoprudnıy Avtomatlaşdırma Dizayn Bürosundan İrana məhsulların tədarükü müzakirə olunur.