İslamçı Taliban çərşənbə günü Əfqanıstanda hakimiyyətə yenidən ələ keçirməyinin üçüncü ildönümünü digər simvolik tədbirlərlə yanaşı, ABŞ-ın nəzarətindəki keçmiş "Baqram" hərbi hava bazasında hərbi paradla qeyd edib. Mərasim televiziya ilə nümayiş etdirilib.

"Qələbə günü" kimi adlandırılan tədbirdə İslam Əmirliyi kimi tanınan Taliban hökumətinin yoxsul Əfqanıstanı "dünyanın ən ciddi qadın haqları böhranını" yaratması və qızların altıncı sinifdən sonra təhsil almasına qadağa qoyulan yeganə ölkəyə çevirməsi ilə bağlı davamlı qlobal tənqidlər fonunda qeyd edilib.

Əfqanıstanın paytaxtı Kabildən təxminən 40 kilometr şimalda yerləşən "Baqram" bazasında keçirilən mərasimdə xarici diplomatlar da daxil olmaqla, yalnız kişilərdən ibarət auditoriyada minlərlə insan iştirak edib, tüfənglərdən 21 yaylım atəşi açılıb və Talibanın yüksək səviyyəli liderlərinin çıxışları olub.

O vaxtlar qiyamçı olan Taliban hakimiyyətə 2021-ci il avqustun 15-də, ABŞ-ın rəhbərlik etdiyi beynəlxalq qüvvələrin Əfqanıstan müharibəsində təxminən 20 il iştirak etdikdən sonra ölkəni tərk etməsindən sonra qayıdıb.

Talibanın baş naziri Həsən Axundun qərargahlar rəisinin oxuduğu mesajında "Allah Əfqanıstanın mücahid xalqına bu tarixdə beynəlxalq təkəbbürlü və işğalçı qüvvə üzərində qəti qələbə bəxş etdi" deyilib.

Hökumətdə əsas fiqur sayılan axund çərşənbə günü keçirilən tədbirdə iştirak etməyib.

Axundun mesajında "Taliban hökuməti İslam hakimiyyətini, mülkiyyətini, insanların həyatını və millətimizin şərəfini qorumaq üçün məsuliyyət daşıyır" deyilib.

Heç bir ölkə tərəfindən rəsmi olaraq tanınmayan de-fakto Taliban hökuməti Əfqanıstanın ABŞ-ın rəhbərlik etdiyi qüvvələrin "işğalından azad edilməsinin" ildönümünü günəş təqviminə istinadən bir gün əvvəl qeyd edib.