Fransa parlamentində solçu deputatlardan ibarət blok ("Yeni Xalq Cəbhəsi") ölkənin yeni baş naziri Mişel Barnierə etimadsızlıq səsverməsi irəli sürüb.

İqtisadiyyat.az xəbər verir ki, bu barədə AFP məlumat yayıb.

Qanunvericilər tərəfindən imzalanmış sənəddə "Bu hökumətin öz tərkibinə və istiqamətinə görə mövcudluğu son qanunvericilik seçkilərinin nəticələrinin inkarıdır" deyə bildirilir.

Etimadsızlıq səsverməsini 192 solçu deputat irəli sürüb. Sosialistlərin lideri Olivye For sənədi parlamentin 8 oktyabrda keçiriləcək iclasına təqdim edəcək.

Marin Le Penin rəhbərlik etdiyi sağçı "Milli Birlik" partiyası bu etimadsızlıq səsverməsini dəstəkləməyəcək, buna görə onun qəbul edilmə ehtimalı azdır. Etimadsızlığın qəbul edilməsi üçün parlamentdə səs çoxluğu lazımdır.