İsveçrə ordusu köhnə bunkerləri müasir müdafiə mərkəzlərinə çevirmək istəyir

"Euronews" xəbər verir ki, İsveçrə ordusu texnologiya şirkətlərinə, tədqiqatçılara və startaplara müraciət edərək müharibə dövrünə aid bunkerlərin müasir müdafiə mərkəzlərinə çevrilməsi prosesində iştirak etməyə çağırıb.

Məlumata görə, söhbət 1886-cı ildən etibarən inşa edilən və bu günədək ölkə ərazisində mövcud olan müdafiə məntəqələrindən gedir.

Qeyd olunur ki, Rusiyanın Ukraynaya hərbi müdaxiləsindən sonra İsveçrə ordusu ölkə daxilində yerləşən təxminən 8 min bunkerin təhlükəsizlik baxımından rolunu və onların daha səmərəli şəkildə necə yenilənə biləcəyini yenidən qiymətləndirir.