İran İdman Nazirliyi İsrailin futbol klubu ilə matçda mübarizə aparan 2 yerli oyunçunu milli yığmadan uzaqlaşdırıb.

UEFA Avropa Liqası çərçivəsində Yunanıstanın “Panionios” klubunun tərkibində İsrailin “Makkabi Tel-Əviv” komandasına qarşı oyuna çıxan 2 iranlı futbolçu bir daha İran milli yığmasının formasını geyinə bilməyəcək.

Həmin futbolçuların 33 yaşlı Masud Şojei və 27 yaşlı Ehsan Haji Şəfi olduğu bildirilib.

İran idman nazirinin müavini Məhəmməd Rza Dəvərzani bildirib ki, sözügedən futbolçular qırmızı cizgini pozduqları belə qərar qəbul edilib.

Qeyd edək ki, İran rəhbərliyi milli idmançıların beynəlxalq turnir və yarışmalarda İsrailə qarşı mübarizə aparmasını qadağan edir.