Bir neçə ay öncə Pərvanə Məhərrəmova adlı şəxs Azərbaycanda yalnış müayinə və müalicə olunduğunu açıqlamışdı.
TEREF “Qafqazinfo”ya istinadla xəbər verir ki, ona xərçəng diaqnozu qoyulandan sonra buradakı nəticələrə inanmır və Gürcüstana qayıdaraq orada müalicəyə başlayır.
Hazırda isə Pərvanə Gürcüstanda çox acınacaqlı duruma düşdüyünü bildirir:
“6 aydır müalicə olunuram. Bura gələndən sonra bu vəziyyətə düşdüm. Mənə dedilər ki, sənə Bakıda nə ediblərsə, zəhərləyiblər. Amma mənə orda heç nə etmədilər. Mən ordan gələndə çox yaxşı idim. Azərbaycanda xəstəliyim olduğunu demişdilər. Burada isə heç bir şey olmadığını bildirdilər. Başqa bir xəstəxanaya gedəndə, analizlər verəndə xəstəliyimin olduğunu dedilər. Bu xəstəlik var idisə, açıqlayardılar. Artıq ölmək istəyirəm. Bakının xəstəxanaları yaxşıdır. Burda həkim yoxdur. Bura gələndən sonra məni aldatdılar”.
Məlumat üçün qeyd edək ki, xəstənin ilkin müayinəsindən sonra çıxarılan tibbi nəticələr əsasında Milli Onkologiya Mərkəzinin həkimi Anar Məmmədov onu qəbul edib. Ona ağır xərçəng xəstəsi olması diaqnozunu qoyub və “kimyaterapiya” proseslərinə başlayıb.
Daha ətraflı videoda: