Özəl hərbi şirkətlərin gizli şəkildə xaricdəki hərbi əməliyyatlarda iştirakı yerinə onların fəaliyyətinin leqallaşdırılması daha doğru qərar olardı.

Axar.az xəbər verir ki, bunu “Exo Moskva” radiosuna müsahibəsində rusiyalı hərbi ekspert Pavel Felgenhauer söyləyib.

“Hazırda Rusiyada muzdluluq qanunla qadağandır. Böyük ehtimalla onların etdikləri cinayətdir, amma onları hər zaman mənəvi və fiziki baxımdan dəstəkləyirlər. Ona görə də bu situasiyanın öhdəsindən gəlmək üçün fəaliyyətlərini leqallaşdırıb, muzdluluğu açıq etmək lazımdır”, – deyə o bildirib.

Qeyd edək ki, bundan öncə Rusiya Dumasında özəl hərbi şirkətlərin fəaliyyəti haqqında qanun layihəsi müzakirə edilib.