ABŞ prezidenti Donald Trampla İsrailin baş naziri Binyamin Netanyahu arasında telefon danışığı olub.

"Report" "RT"ə istinadən xəbər verir ki, bu barədə Ağ Evin mətbuat xidməti məlumat yayıb.

Məlumata görə, ABŞ rəhbəri İsrailin baş naziri ilə İranın Yaxın Şərqdəki addımlarını müzakirə edib.

"Liderlər Yaxın Şərqdəki təhdidləri və çağırışları, xüsusən İran rejiminin sabitliyi pozan hərəkətləri ilə yaranmış problemləri müzakirə ediblər", - deyə məlumatda bildirilir.

Daha əvvəl Netanyahu bildirib ki, İranın nüvə silahı əldə etməyə can atması dünya üçün "böyük təhdiddir".