Azercell yenidən özəlləşdirməyə çıxarılmaq üçün artıq hazırdı
26-05-2023, 10:14
Dövlət şirkətinə çevrilməsinin 5 ili tamam olan Azercell gəlirlərini və xərclərini açıqlayıb Azercell bir müddət öncə ötən ilin yekun hesabatını tədim edərkən gəlir və mənfəətini açıqlamamışdı. Bu dəfə bəzi ictimai əhəmiyyət kəsb edən məlumatlar təqdim edilməsə də, Azercell bir xeyli əhəmiyyətli məqamları açıqlayıb. Açıqlanan məlumata görə Azercell -in 2022-ci ildə 128 milyon 839 min manat xalis mənfəəti olub. Müqayisə üçün qeyd etmək olar ki, şirkət 2021-ci ili 121 milyon 175 min manat xalis mənfəət ilə bağlamışdı. Artım təxminən 6.3% olub. Yeri gəlmişkən, müqayisə üçün qonşu ölkələrin bəzi mobil operatorlarının uyğun hesabatlarına baxdıqda görmək olar ki, mənfəət artımı 2-3 dəfə çox olub. Azercell-in aktivləri də artıq 1 milyardı keçib. Necə deyərlər, Azərbaycanın qeyri-neft sektorunun ən böyük vergi ödəyicisi olan bu dövlət şirkəti yenidən özəlləşdirməyə çıxarılmaq üçün artıq hazırdı Xatırladıram ki, Azercell Azərbaycanın mobil sektorunda ən yüksək paya, 48%-dən çox paya sahibdir. Osman Gunduz Teref.az