Azərbaycan Beynəlxalq Bankının təqaüdçüyə tədbiq etdiyi anlaşılmaz "kart məhdudiyyəti " siyasətinin kökündə əslində nə dayanır? Məqsəd?
Azərbaycan Beynəlxalq Bankı, DOST Agentliyi! Təqaüdçü özü bilər, öz təqaüdünü harda,necə,kimə və nəyə xərcləyə bilər!
ABB qərar verənləri , siz anlayırsınız ki ,təqaüdçülərə öz kartından "istifadə məhdudiyyəti " qoymaqla onların kütləvi surətdə hüquqlarını pozursunuz?
Ailəm Praqada yaşadığı üçün mən də il ərzində 2-3 ay Praqada yaşayıram. Və həmişədə ABB verdiyi təqaüdçü kartımdan hər sahədə istifadə etmişdim. Heç bir bir problem olmadan.May ayında kartın müddəti qurtardığı üçün dəyişməli oldum.Verdikləri karta baxanda təccübləndim. Üstündə nömrələr güclə görünürdü. .Ad soyadımın yerinə DOST-un adı yazılmışdı. Etiraz etdim. Problemi "həll" etdilər, bir vərəqə kartın nömrəsini yazıb verdilər !!??.Dedilər belədir ."istəyirsən götür,istəmirsən yox"! Vaxt məhdudiyyətim vardi.Mübahisəni sonraya saxladım.İki gün öncə həmin kartla təşkilatın saytı üçün ödəniş ermək istəyəndə məlum oldu ki, verdikləri kart xaricdə işləmir. ABB Sabail r-n filialına yaxınlaşdım , Cavab: bankın qəbul etdiyi qərardır. Təqüdçülərə xaricdə öz kartından istifadə etməyə icazə yoxdur. Mənə ərizə yazdırdılar ki,xahiş edirəm mənə öz kartımdan xaricdə istifadə etməyə icazə verəsiniz. Hələ ki, bir nəticə yoxdur.
Bir müddət əvvəl bacım Türkiyədə olarkən o da özünün təqaüdçü kartından istifadə edə bilməyib. ABB- Xətai rayon Sənaye filialına yaxınlaşıb.Bankda ona izah ediblər ki,təqüdçülər öz kartlarından xaricdə istifadə edə bilməzlər. Niyə sualına isə belə cavab verilib.DOST Agentliyindən tapşırıblar. Axı bu pul mənimdir,etirazına isə cavab verilib ki: pul sizin yox, dövlətindir.
Mirvari Gahramanli
Teref.az