“Mənə elə gəlir ki, indi İran rəhbərliyi nə İsraillə, nə də başqa ölkələrlə Yaxın Şərqdə böyük müharibəyə başlamaq niyyətində deyil”.

Bu fikirləri Bizim.Media-ya açıqlamasında Rusiya prezidenti yanında beynəlxalq əlaqələr şurasının Rəyasət Heyətinin üzvü, politoloq Boqdan Bezpalko deyib.

“Nüvə müharibəsinə şahidlik edə bilərik”

İsrailin İranda HƏMAS liderini öldürməsindən sonra İranın atacağı addımları şərh edən politoloq, Tehranın yetərli gücə malik olmadığına diqqət çəkib:

“İranın özünü xilas etmək, bu cür rəftara dözməyəcəyini nümayiş etdirmək üçün hansısa yolla İsrailə cavab zərbələri endirməsi vacibdir. Amma çətin ki, İran rəhbərliyi böyük müharibənin proloquna çevriləcək hücumlar etsin. Yaxın Şərqdə böyük bir müharibə gözlənilməz ola bilər, hətta nüvə müharibəsinə şahid ola bilərik. Əslində, bir sıra Qərb ölkələrindən və Amerika Birləşmiş Ştatlarından İran rəhbərliyinə müraciətlər göstərir ki, onlar da Yaxın Şərqdə böyük müharibənin olmasını istəmirlər”, - deyə B.Bezpalko deyib.

Müharibənin başlamasını kim istəyir?

Boqdan Bezpalko bildirib ki, münaqəşədə yeganə maraqlı tərəf Benyamin Netanyahudur.

“Xüsusən ABŞ seçkiləri yaxınlaşdıqca, prosesin bundan sonra da davam etməsi üçün hazırda gərginliyə ciddi ehtiyac var. Yaxın Şərqdə idarə olunan münaqişədə maraqlı ola biləcək yeganə ölkə İsrailin özüdür. Xüsusən də Benyamin Netanyahu. Çünki onun üçün hərbi münaqişənin alovlanması prezident seçkilərində kimin qalib gəlməsindən asılı olmayaraq ABŞ-ın bu münaqişəyə qarışması deməkdir. Kamala Harris də prezident seçilsə, o, bu münaqişəyə qarışmağa məcbur olacaq. Bu səbəbdən də, İsrail münaqişədə maraqlıdır”.

Tehran Orucoğlu, Bizim.Media