Ölkədə repressiyaların tüğyan etdiyi, erməni kilsəsinə hücum olunduğu, keşişlərin həbs edildiyi bir vaxtda Ermənistanın ikinci prezidenti Robert Koçaryan Yunanıstanda, Egey dənizinin sahillərində istirahət edir.

Oxu.Az xəbər verir ki, bu sözlər Ermənistanın "Hraparak" nəşrində dərc edilən məqalədə öz əksini tapıb.

Müəllif qeyd edir ki, tanınmış iş adamlarının, müxalifət nümayəndələrinin Ermənistanın hakim partiyası tərəfindən təqibə, həbsə məruz qaldığı bir vaxtda özünü ölkənin ən təcrübəli siyasətçisi kimi təqdim edən Robert Koçaryan Ermənistandan qaçıb.

"Ermənistan" blokunun üzvləri, bir qayda olaraq, suallara cavab verməkdən imtina edir, Baqrat Mikoyan özünə yaxın mediaya danışır, sabiq prezident Robert Koçaryan isə Egey dənizində günəş vannası qəbul edir", - deyə məqalədə qeyd olunub.