Dəfələrlə yazdığımız kimi, 26-cı ildir ki, işğal altında qalan Kəlbəcər dağlarında müxtəlif terrorçu qrupların dəstələri təlim keçir. Türkiyədəki mənbələrin də təsdiqlədiyinə görə, onlar arasında “PKK” terrorçuları da var.

Moderator24.com Mirkazım Laçın Alxaslının “You Tube”dəki kanalına istinadla rayonun Nadirxanlı kəndində təlim keçən bir dəstənin görüntülərini əldə edib. Məlum olur ki, aralarında gənc qızların çoxluq təşkil etdiyi dəstə dağlıq, meşəlik ərazilərdə, çay içərisində cürbəcür təmrinlər icra edir, müxtəlif növ və kalibrli atıcı silahlardan sərrast atəş açmağı öyrənirlər.