İngiltərədə ayrıldığı sevgilisinin birlikdə çəkdirdikləri fotoları sosial media hesabından sildiyini görən cani adam dəliyə dönərək qadını ölümcül hala salıb.

Moderator.az xəbər verir ki, İngiltərənin Liverpul şəhərində yaşayan 29 yaşlı qadın sevgilisi ilə ayrıldıqdan bir müddət sonra birlikdə çəkilmiş fotolarını silib və tək başına çəkilmiş olduğu fotosunu yerləşdirib.

Bu vəziyyətə əsəbiləşən adam qadının evinə hücum edərək onu ölümcül döyüb. Bədbəxt qadının üç dişi sınıb, bir dişi diş ətinə sancılıb və çənəsi sınıb.

Qadın sevgilisinin münasibətlərinin əvvəlində ona qarşı çox anlayışlı olduğunu, amma zamanla kobudlaşdığını, buna görə də ondan ayrılmaq məcburiyyətində qaldığını söyləyib.