Qazaxıstanın cənubunda yerləşən Jambıl vilayətinin Masançi kəndində hüquq-mühafizə orqanları əməkdaşları ilə kənd sakinlərinin toqquşması nəticəsində səkkiz nəfər həlak olub, 47 nəfər yaralanıb.

REN TV xəbər verir ki, məlumatı Qazaxıstanın Daxili İşlər Nazirliyi yayıb.

Vilayətin polis idarəsinin mətbuat xidmətindən verilən məlumata əsasən, münaqişə polislər tərəfindən axtarılan şəxsin qohumlarının hüquq-mühafizə orqanlarına müqavimət göstərməsi səbəbindən baş verib.

Polislər qanunu pozan şəxsin evinə yollanıblar. Lakin qohumları onun tutulmasına etiraz edərək, asayiş keşikçilərinə müqavimət göstəriblər.