“Britiş Eyrveys” aviaşirkətinə məxsus “Boinq 747” sərnişin təyyarəsi Atlantik okeanı üzərindən rekord vaxtda uçuş həyata keçirib.

Axar.az xəbər verir ki, Nyu Yorkdan Londona uçan təyyarə 4 saat 56 dəqiqəyə marşrutu başa vurub.

Məlumata görə, təyyarənin rekordu yeniləməsinə səbəb Kiara qasırğası olub.

Belə ki, təbiət hadiəsi təyyarənin saatda 1327 km sürət yığmasına səbəb olub.

Qeyd edək ki, bundan öncə, “Vircin Atlantik” şirkətinə məxsus təyyarə həmin marşrutu 4 saat 57 dəqiqəyə qət etmişdi.